Kleure Van Die Reenboog
Jak de Priester
Wit is die wolke soos popcorn in die lug
Dit lyk soos klomp skape wat vir ‘n wilde dier vlug
Blou is die hemel dit is ‘n mooi dag
Blou is die lug as die sonskyn opdaag
Groen is ons grasperk waarop ons kan lê
Groen gras is iets wat almal wil hê
Bruin is ons koelteboom sy harde dik stam
En bruin is my hare wat ek elke dag kam
Dis die kleure van die reënboog
Wat ek oral om my sien
Dis die kleure van die reënboog
Wat ons oë met prag bedien
Dis die kleure van die reënboog
Wat die Here vir ons gee
Om die wêreld mooi te skilder
Soos die blou lug en die see
Geel is die sonskyn op ‘n mooi somer's dag
Dan gaan ons soms strand toe eet roomys en lag
Rooi is my voorkop as die warm son brand
Van te veel son kan ek by die dokter beland
Grys is my ouma se hare se kleur
Sy probeer my die letters van die alfabet leer
Pienk is my sussie se heel eerste pop
Pienk is haar bedjie en pienk is haar rok
Dis die kleure van die reënboog
Wat ek oral om my sien
Dis die kleure van die reënboog
Wat ons oë met prag bedien
Dis die kleure van die reënboog
Wat die Here vir ons gee
Om die wêreld mooi te skilder
Soos die blou lig en die see
Oranje is die lemoene wat ons elke dag eet
As dit amper soos die son lyk dan is dit gereed
Deurskyn in die water wat ons elke dag drink
En silwer die see as die son oor hom blink
Pers is my tannie se naels wat sy verf
My ma sê sy’s kunstig sy het dit geerf
Goud is die ring wat sy elke dag dra
My oom het al lank terug vir haar liefde gevra
Dis die kleure van die reënboog
Wat ek oral om my sien
Dis die kleure van die reënboog
Wat ons oë met prag bedien
Dis die kleure van die reënboog
Wat die Here vir ons gee
Om die wêreld mooi te skilder
Soos die blou lug en die see
Swart is die donker as die son ophou skyn
Dan klim ek in my bedjie my hartjie is rein
En ek groet die wêreld ons reënboog kleur land
Welkom klaasvakie
Kom strooi maar jou sand
Written by: Lyrics Licensed & Provided by LyricFind
Create your own version of your favorite music.
Sing now
